Psi, navodno, mogu da primjete rastuće stomake svojih vlasnica, a mogu i da osjete promjenu mirisa kod njih, tvrdi Američki kinološki klub.
Iako profesori sa Veterinarskog fakulteta u Ohiu tvrde da psi ne znaju da li im je vlasnica trudna, ističu da oni svakako osjećaju da se dogodila neka promjena i da se zato ponašaju drukčije, navodi Šejp, prenosi politikin magazin.
“Psi su iskusni posmatrači. Imaju izvrsna čula njuha i vida i nije čudno da osjete da je nešto drugačije kada je žena trudna”, objasnila je Meri Barč iz Američkog kinološkog saveza, i dodala da je prepoznala da mnogi psi primjećuju trudnoću.
Kod trudnica se događa mnogo promjena u tjelu što može rezultirati promjenom mirisa, a psi su poznati po svom snažnom njuhu. Barč navodi da su psi, ipak, bića koja treniramo za otkrivanje droge i eksploziva, a istraživanja su pokazala da psi mogu da otkriju zdravstvena stanja poput raka, migrene i epileptičnih napadaja.
“Osim što će detektirati hormonalne promjene putem njuha, psi će možda moći čuti i otkucaje srca fetusa”, ističe Barč.
Iako nema mnogo formalnih istraživanja koja potvrđuju ovu teoriju, mnoge majke tvrde da su njihovi psi osjetili da su trudne.
Neki psi žele da budu bliže svojim vlasnicama, pa često spavaju s njima i maze se, dok drugi postanu zabrinuti i čuvaju vlasnice od svake prijetnje, iako su to ponekad samo suprug ili možda usisavač.
Stručnjaci kažu da psi čak mogu da osjete kada krene porođaj, to jest kada joj krenu trudovi. Oni osjete promjenu u raspoloženju i bolove, pa se tada mogu ponašati zaštitnički.
Psi su vrlo senzibilna bića i često imaju vrlo snažne reakcije na promjene u okruženju i ljude u svom životu, a znamo i kako teško doživljavaju tugu nakon gubitka. Zato ne čudi što mnogi vlasnici pasa govore o tome da su primjetili promjene u njihovom ponašanju kada žena zatrudni.
Neki ljudi čak tvrde da su psi čak i prije vlasnika znali da je beba na putu.
Da bi se pas privikao na novog člana porodice, stručnjaci predlažu upoznavanje sa mirisom dječjih stvari i namještajem, kako bi shvatili da će doći do velike promjene.
